Türkmenistanyň Prezidenti Ýaponiýa bilen ynsanperwer dialogyň täze formatlaryny teklip etdi

"Merkezi Aziýa + Ýaponiýa" dialogynyň sammitinde çykyş eden Türkmenistanyň Prezidenti Serdar Berdimuhammedow adam mümkinçiliklerini ösdürmäge we jemgyýetçilik gatnaşyklaryny pugtalandyrmaga aýratyn ünsi çekdi we ýaşlaryň hem medeni alyş-çalşyň uzak möhletli hyzmatdaşlygyň esasydygyny nygtady.

Döwlet Baştutany Türkmenistanyň ýapon medeniýetine we ylmyna uly gyzyklanma bildirýändigini belledi. Häzirki wagtda müňlerçe türkmen mekdep okuwçylary we talyplary ýapon dilini öwrenýärler, bu bolsa iki milletiň arasynda çuňňur özara düşünişmegiň binýadyny döredýär.

"Şu jähetden ýaşlaryň, talyplaryň we akademikleriň arasyndaky gatnaşyklary üpjün etmek üçin biz Merkezi Aziýa - Ýaponiýa Ýaşlar forumyny döretmegi teklip edýäris" diýip, döwlet Baştutanymyz aýtdy.

Prezident Serdar Berdimuhamedow şeýle hem Merkezi Aziýanyň ýaş ilaty giň intellektual mümkinçilikleri bolan sebitdigini, bilim, ylym, tehnologiýa we ynsanperwer alyş-çalyşlar babatda hyzmatdaşlyk etmek üçin uly mümkinçilikleri döredýändigini belledi. Şu jähetden, Türkmenistanyň Prezidenti bu sebitden we Ýaponiýadan zenanlaryň arasynda özara gatnaşyk üçin hemişelik mehanizm döretmegiň başlangyjyny goýdy.

"Şeýle hem biz "Merkezi Aziýanyň we Ýaponiýanyň zenanlarynyň gepleşikleri" atly hemişelik platforma döretmegi teklip edýäris, onuň esasy maksady dürli ugurlar boýunça ýurtlarymyzyň zenanlarynyň arasynda ýakyn hyzmatdaşlyk bolmaly" diýip, Türkmenistanyň Prezidenti teklip etdi.

Çeşme: "Türkmenistan: Altyn asyr" elektron gazeti