Telekeçilik işi hakynda

2026-njy ýylyň 9-njy ýanwarynda Halkara senagatçylar we telekeçiler uniwersitetiniň Galkynyş otagynda talyp ýaşlary telekeçilik işine höweslendirmek maksady bilen  Ahal welaýatynyň Gökdepe etrabyndaky döwrebap önümçilik “Täze saba” hojalyk jemgyýetiniň telekeçisi bilen tejribe alyşmak sapagy gurnaldy. “Täze saba” hojalyk jemgyýetinde önümçiligiň ähli tapgyry doly awmotlaşdyrylan, zawodda her minutda 25 diş çotga çykarylýar. Telekeçi Awstriýanyň we Germaniýanyň öňdebaryjy enjamlarynda günde ýigrimi bäş müňe golaý dişe ideg edýän çotga öndürýändiklerini we bazarlarda isleg bildirilýän harytlaryň biri hasaplanylýandygyny belläp geçdi.

Halkara senagatçylar we telekeçiler uniwersitetiniň talyplary yzygiderli gurnalýan tejribe alyşmak sapaklarynyň esasynda başlangyçly bolmak, önümçilige täzelikleri girizmek, harytlary we hyzmatlary paýlamak we sarp etmek ýörelgelerine esaslanýan hojalygy ýöretmekligiň usullary bilen tanyşýarlar. Telekeçilik işi – bu özbaşdak başlangyja, jogapkärçilige, innowasiýa we telekeçilik pikirine esaslanyp, peýda almaklyga gönükdirilen işiň aýratyn bir görnüşidir. Önümçilikde iň täze enjamlaryň we tehnologiýalaryň ornaşdyrylmagy, zähmetiň täzeçil guralmagy netijesinde harytlaryň bäsleşige ukyplylygy döreýär.