“2025-2026-njy okuw ýylynyň II ýarym ýyllygynyň ilkinji okuw sapagy “Garaşsyz, baky Bitarap Türkmenistan – bedew batly at-myradyň mekany” ady bilen geçirildi

Garaşsyz, baky Bitarap Türkmenistan döwletimizde Milli bilim ulgamyny kämilleşdirmek döwlet syýasatynyň ileri tutulýan ugurlarynyň biridir. Arkadagly Gahryman Serdarymyzyň parasatly baştutanlygynda ýaş nesillere berilýän bilimiň hilini gowulandyrmak, ugurlaryny giňeltmek, mazmunyny çuňlaşdyrmak babatda möhüm işler ýerine ýetirilýär. Hormatly Prezidentimiziň üstünlikli amala aşyrýan içeri we daşary syýasatynyň netijesinde ata Watanymyz uly üstünliklere beslenýär.

2026-njy ýylyň ýanwar aýynyň 26-syna Mary welaýat maliýe-ykdysady orta hünär okuw mekdebinde 2026-njy ýylyň “Garaşsyz, baky Bitarap Türkmenistan – bedew batly at-myradyň mekany” ýyly diýlip yglan edilmegi mynasybetli 2025-2026-njy okuw ýylynyň II ýarym ýyllygynyň ilkinji okuw sapagy geçirildi. Ilkinji okuw sapagynda mugallymlaryň taýýarlan çykyşlary, görkezme esbaplary talyp ýaşlarda uly täsir galdyrdy. Ýaş nesillerde Watana bolan söýgüni we wepalylygy terbiýelemek, uly ösüşlere, guwandyryjy üstünliklere buýsanjy has-da dabaralandyrmak maksady bilen Hormatly Prezidentimiz Serdar Berdimuhamedowyň türkmen halkyna sowgat eden “Türkmenistanyň Bitaraplygy — parahatçylygyň we ynanyşmagyň aýdyň ýoly” atly kitabynyň üsti bilen hem ilkinji okuw sapagynda birnäçe çykyşlar edildi we düşünjelerini has-da baýlaşdyrdylar.

Türkmenistan ýurdumyzy dünýäde parahatçylygyň we ynanyşmagyň mekanyna öwüren Gahryman Arkadagymyzyň, Arkadagly Gahryman Serdarymyzyň janlary sag, il-ýurt bähbitli alyp barýan beýik tutumly işleri mundan beýläk hem rowaçlyklara beslensin!

Mary welaýat maliýe-ykdysady orta hünär okuw mekdebi