Ylmy-okuw maslahaty geçirildi

Türkmen döwlet binagärlik-gurluşyk institutynyň rektorynyň 2026-njy ýylyň 15-nji ýanwaryndaky çykaran 10/1-iş belgili buýrugy bilen tassyklanan “Türkmen döwlet binagärlik-gurluşyk institutynda 2026-njy ýylda geçiriljek ylmy-amaly maslahatlaryň Meýilnamasyna” laýyklykda, “Garaşsyz, baky Bitarap Türkmenistan – bedew batly at-myradyň mekany” ýylynyň 20-nji fewralynda institutyň Ykdysadyýet we dolandyryş fakultetiniň “Kärhanalarda ykdysadyýet we dolandyryş” kafedrasynyň gurnamagynda mugallym Bahram Ataýew tarapyndan “Gurluşyk pudaklarynyň kärhanalarynda kiberhowpsuzlygyň wajyplygy” atly ylmy-okuw maslahaty geçirildi. Institutda geçirilýän okuw, ylmy-amaly maslahatlaryň, wagyz-nesihat ähmiýetli çäreleriň netijesinde ýurdumyzyň ýokary okuw mekdepleriniň talyp ýaşlarynyň döwrebap bilim almaklary, sanly tehnologiýadan netijeli peýdalanmaklary gazanylýar. Ylmy maslahata gatnaşyjy mugallymlar bu ylmy-okuwyň gurluşyk inženerleriniň bilim derejesini ýokarlandyrmaga we täze tehnologiýalaryň iş tejribesine ornaşdyrylmagyna möhüm itergi berýändigini nygtadylar.

Türkmen döwlet binagärlik-gurluşyk institutynyň

      Ylym bölüminiň esasy hünärmeni Gülnar TEKÄÝEWA