Innowasiýa Maglumat merkeziniň
Merkezleşdirilen hyzmatlar we maglumatlar portaly
Innowasiýa Maglumat merkeziniň
Merkezleşdirilen hyzmatlar we maglumatlar portaly
Garaşsyz, baky Bitarap Türkmenistan
bedew batly at-myradyň mekany
Täzelikler
Gyrgyz Respublikasynyň Türkmenistandaky Ilçisi bilen duşuşyk geçirildi
535
2026-njy ýylyň 24-nji fewralynda Türkmenistanyň Bilim ministrliginde Türkmenistanyň Bilim ministri J. Gurbangeldiýew bilen Gyrgyz Respublikasynyň Türkmenistandaky Adatdan daşary we Doly ygtyýarly Ilçisi Azizbek Madmarowyň arasynda duşuşyk geçirildi.
Duşuşygyň dowamynda bilim we ylym ulgamlarynda ikitaraplaýyn hyzmatdaşlygy ösdürmek meseleleri ara alnyp maslahatlaşyldy. Iki ýurduň arasynda hyzmatdaşlygyň yzygiderli giňelýändigi, şeýle hem tejribe alyşmagyň we bilelikdäki taslamalary durmuşa geçirmegiň ähmiýeti bellenildi. Gyrgyzystanly okuwçylar 2026-njy ýylyň 8–13-nji apreli aralygynda Aşgabat şäherinde geçirilmegi meýilleşdirilýän mekdep okuwçylarynyň arasynda III Halkara matematika olimpiadasyna gatnaşmaga çagyryldy. Bu halkara bäsleşiginiň geçýän döwründe Gyrgyz Respublikasynyň Bilim we ylym ministriniň Aşgabada iş saparyny guramak meselesi ara alnyp maslahatlaşyldy.
Gyrgyz tarapy türkmen wekiliýetini Çarwadarlaryň 6-njy Bütindünýä oýunlarynyň çäklerinde geçiriljek Halkara ylmy-amaly maslahata gatnaşmaga çagyrdy.
Duşuşykda şeýle hem diplomlaryň özara ykrar edilmegi we orta hünär bilimi ulgamlarynda hyzmatdaşlygy ösdürmegiň maksadalaýykdygy bellenildi.
Taraplar hyzmatdaşlygyň mundan beýläk-de giňeldilmeginiň Türkmenistan bilen Gyrgyz Respublikasynyň arasynda dostlukly we hyzmatdaşlyk gatnaşyklaryny has-da pugtalandyrjakdygyna ynam bildirdiler.
Türkmenistanyň Bilim ministrligi