Innowasiýa Maglumat merkeziniň
Merkezleşdirilen hyzmatlar we maglumatlar portaly
Innowasiýa Maglumat merkeziniň
Merkezleşdirilen hyzmatlar we maglumatlar portaly
Garaşsyz, baky Bitarap Türkmenistan
bedew batly at-myradyň mekany
Täzelikler
Rus dilinde makala ýazmak boýunça bäsleşik jemlendi
486
Ýurdumyzyň ýokary okuw mekdepleriniň talyplarynyň arasynda geçirilen «Türkmenistan — parahatçylygyň we ynanyşmagyň Watany» («Туркменистан — Родина мира и доверия») atly rus dilinde makala ýazmak boýunça bäsleşik jemlendi. Bu bäsleşigi Türkmenistanyň hemişelik Bitaraplygynyň şanly 30 ýyllygy mynasybetli Magtymguly adyndaky Türkmen döwlet uniwersiteti bilen «Neýtralnyý Turkmenistan» gazetiniň redaksiýasy yglan edipdi.
Magtymguly adyndaky Türkmen döwlet uniwersitetiniň professor-mugallymlaryndan we «Neýtralnyý Turkmenistan» gazetiniň redaksiýasynda zähmet çekýän žurnalistlerden düzülen eminler bäsleşige hödürlenilen işleri seljerdiler. Işlere eminler topary tarapyndan berlen ballaryň esasynda ýeňijiler kesgitlenildi.
Netijede, Türkmenistanyň Serhet institutynyň talyby Şageldi Gylyjow 1-nji orny eýeledi. Myrat Garryýew adyndaky Türkmenistanyň Döwlet lukmançylyk uniwersitetiniň talyby Kamila Hudaýbergenowa, Türkmen döwlet medeniýet institutynyň talyby Nurana Annaýewa, Aba Annaýew adyndaky Halkara atçylyk akademiýasynyň talyby Guwançmyrat Gurbangeldiýew 2-nji, Türkmen döwlet medeniýet institutynyň talyby Mähri Mülkamanowa, Halkara ynsanperwer ylymlary we ösüş uniwersitetiniň talyby Meňli Çaryýewa, Seýitnazar Seýdi adyndaky Türkmen döwlet mugallymçylyk institutynyň talyby Lola Seýidowa 3-nji orunlara mynasyp boldular.