Dabaraly çäre geçirildi

2026-njy ýylyň fewral aýynyň 27-sine Türkmenistanyň Döwlet energetika institutynyň täze goşmaça okuw binasynyň eýwanynda 8-nji mart Halkara zenanlar güni mynasybetli “Bu bagtyýar diýarda zenanlara sarpa bar!” atly aýdym-sazly baýramçylyk dabarasy geçirildi. Dabaranyň dowamynda institutyň zenan mugallymlarynyň we talyp gyzlarynyň ýürek buýsançlary, baýramçylyk gutlaglary dogrusynda birnäçe söhbetdeşlikler diňlenildi. Soňra bolsa institutyň “Kuwwat” aýdym-saz we tans toparynyň çeper höwesjeň talyp ýaşlarynyň ýerine ýetirmeginde ata Watanymyzy, Gahryman Arkadagymyzy, Arkadagly Gahryman Serdarymyzy wasp edýän birnäçe edebi-çeper çykyşlara, aýdymdyr tanslara tomaşa edildi. Dabaranyň ahyrynda oňa gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş hem-de hoşallyk sözlerini aýtdylar.

              Türkmenistanyň Döwlet energetika instituty