Mekdep okuwçylarynyň arasyndaky ekologiýa bäsleşiginiň birinji tapgyry jemlendi

S.A.Nyýazow adyndaky Türkmen oba hojalyk uniwersiteti we Bilim ministrligi tarapyndan guralan Ekologiýa bäsleşiginiň onlaýn tapgyry tamamlandy. Bu bäsleşige ýurdumyzyň ähli sebitlerinden ýokary synp okuwçylary uly höwes bilen gatnaşdylar.

Çäräniň esasy maksady ýaşlaryň ekologiýa bilimini ösdürmekden we zehinli okuwçylary ýüze çykarmakdan ybaratdyr. Birinji tapgyryň netijeleri boýunça iň oňat taýýarlyk gören 40 sany okuwçy indiki tapgyra geçmegi başardy.

Bäsleşigiň ikinji tapgyryna geçen okuwçylar özleriniň ylmy-taslamalaryny we tanyşdyryş (PPT) faýllaryny taýýarlamalydyrlar. Taýýar bolan işler 2026-njy ýylyň 21-nji martyna çenli uniwersitetiň elektron salgysyna (tm.tau.2022@gmail.com) ugradylmalydyr.

Işlere uniwersitetiň professor-mugallymlaryndan we welaýatlardan gelen hünärmenlerden ybarat bolan ýörite eminler topary baha berer.

Bäsleşigiň final tapgyry 2026-njy ýylyň 26-njy martynda sagat 10:00-da S.A.Nyýazow adyndaky Türkmen oba hojalyk uniwersitetinde geçiriler. Bu bäsleşigiň netijeleri boýunça ýeňijileri sylaglamak dabarasy 27-nji martda bolar.

Habarlaşmak üçin:

Tel: +99365633644, +99363966901

E-mail: tm.tau.2022@gmail.com

Çeşme: S.A.Nyýazow adyndaky Türkmen oba hojalyk uniwersiteti