Halkara ynsanperwer ylymlary we ösüş uniwersitetinde OMOUS-2026 olimpiadanyň sylaglandyrylyş dabarasy geçirildi

Sylaglandyrylyş dabarasy giriş sözünden we aýdym-sazly çykyşlar bilen başlady. Dabaranyň aýdym-sazly çykyşlarynyň soňunda Türkmen halkynyň Milli Lideri, Türkemnistanyň halk Maslahatynyň Başlygy Gahryman Arkadagymyzyň sözlerine we sazyna döredilen “Öňe, öňe, diňe öňe jan Watanym Türkmenistan” atly aýdymyň sazynyň “Mukam” skripkaçylar toparynyň ýerine ýetirmeginde belentden ýaňlanmagy dabaradaky myhmanlarda uly täsir galdyrdy. Soňra dabara ýeňijileri sylaglandyrmak bilen dowam etdi.

OMOUS-2026-nyň netijelerine laýyklykda şahsy bäsleşik boýunça jemi 156 medal, ýagny A dereje boýunça 32 altyn, 45 kümüş, 79 bürünç; B derejede bolsa jemi 182 medal, olar 33 altyn, 49 kümüş, 100 bürünç. Şeýle-de, toparlaýyn bäsleşikde jemi 34 medal, 6 altyn, 12 kümüş, 16 bürünç medallary gazandylar.

Netijeler boýunça Türkmen talyplarynyň aýratyn tapawutlanandygyny bellemek zerur. Türkmen ýaşlarymyz A dereje boýunça jemi 78 medal, olardan 15 altyn, 30 kümüş, 33 bürünç; B dereje boýunça bolsa, jemi 120 medal 18 altyn, 39 kümüş, 63 bürünç medal gazandylar. Toparlaýyn bäsleşikde jemi 13 medal 2 altyn, 5 kümüş, 6 bürünç medallar gazanyldy.

Türkmenistan döwletinden soňra iň köp ýeňiji bolanlar Özbegistandan gelen wekiliýetlerdir. Doganlyk döwletiň talyplary şahsy bäsleşik boýunça jemi 103 medal, A dereje boýunça 3 altyn, 7 kümüş, 41 bürünç medalyň, B dereje boýunça bolsa, 10 altyn, 9 kümüş, 33 bürünç medalyň eýelediler. Toparlaýyn bäsleşik boýunça Özbegistanyň 39 topary jemi 10 medal, 3 kümüş, 7 bürünç medal gazandylar. Soňra Russiýa Federasiýasynyň talyplary şahsy bäsleşik boýunça 30 medalyň, olardan A dereje boýunça 13 altyn, 8 kümüş, 5 bürünç medala, B dereje boýunça bolsa 1 altyn, 1 kümüş, 2 bürünç meadala mynasyp boldular. Toparlaýyn bäleşik boýunça bolsa, 9 topardan jemi 7 medal, 4 altyn, 2 kümüş, 1 bürünç medaly eýelediler.

Mundan başga-da, Täjigistan döwletiniň wekiliýetinden şahsy bäleşikde A dereje boýunça 1 altyn medal, toparlaýyn bäsleşikde bolsa 1 bürünç medal gazandy. Şahsy gatnaşyk boýunça bäsleşikde B dereje boýunça Gresiýa, Gollandiýa, Germaniýa we Wengriýa döwletleriniň talyplary 1 altyn medala mynasyp boldular. Şol sanda, toparlaýyn bäsleşikde Gresiýa we Gollandiýa döwletiniň wekilleri 1 kümüş medal gazandylar. Birleşen Arap Emirlikleriniň we Eýran Yslam Respublikasynyň wekiliýetleri şahsy bäsleşik boýunça 1 bürünç medaleýelediler. Şeýle-de, Eýranyň wekiliýeti toparlaýyn bäsleşikde 1 bürünç medala mynasyp boldy.

Baýrakly orunlara mynasyp bolýan talyplar we olaryň professor-mugallymlary münberde özleriniň ýürek buýsançlaryny beýan etdiler.

Halkara olimpiadanyň dabaraly sylaglandyrylyş dabarasyndan soňra, ýeňijiler ýadygärlik surata düşdüler. Baýrakly orunlara mynasyp bolan ýaş matematikler şular ýaly halkara olimpiada gatnaşmaga, öz aralarynda tejribe alyşmaga hem-de ýurdumyzyň medeni gymmatlyklary bilen tanyşmaga döredilen mümkinçilikler üçin köp türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza köp sagbolsun aýtdylar.

Halkara ynsanperwer ylymlary we ösüş uniwersiteti