Türkmenistanda «Etut.developer» atly hakaton bäsleşiginiň ýeňijileri yglan edildi

Türkmenistanyň Oguz han adyndaky Inžener-tehnologiýalar uniwersitetinde talyplaryň arasynda geçirilen «Etut.developer» atly hakaton bäsleşiginiň jemi jemlendi.

Hakatonyň dowamynda gatnaşyjylara «Etut.developer» bilim web saýtynyň özboluşly görnüşlerini döretmäge hem-de onuň kiberhowpsuzlygyny üpjün etmäge gönükdirilen innowasion pikirlerini we işläp taýýarlamalaryny hödürlemek teklip edildi.

Bäsleşigiň netijelerine görä, I orna Türkmenistanyň Oguz han adyndaky Inžener-tehnologiýalar uniwersitetiniň hem-de Halkara ynsanperwer ylymlary we ösüş uniwersitetiniň toparlary mynasyp boldular.

II orny Türkmenistanyň Inžener-tehniki we ulag kommunikasiýalary institutynyň hem-de Türkmen döwlet binagärlik-gurluşyk institutynyň talyplary eýelediler.

III orna Ýagşygeldi Kakaýew adyndaky Halkara nebit we gaz uniwersitetiniň, Türkmenistanyň Serhet institutynyň hem-de Türkmenistanyň Goranmak ministrliginiň Harby institutynyň talyplar toparlary eýe boldular.

Çeşme: "Türkmenistan: Altyn asyr" elektron gazeti