Innowasiýa Maglumat merkeziniň
Merkezleşdirilen hyzmatlar we maglumatlar portaly
Innowasiýa Maglumat merkeziniň
Merkezleşdirilen hyzmatlar we maglumatlar portaly
Garaşsyz, baky Bitarap Türkmenistan
bedew batly at-myradyň mekany
Täzelikler
Türkmenistanyň Bilim ministrliginde Azerbaýjan Respublikasynyň wekilýeti bilen duşuşyk geçirildi
105
2026-njy ýylyň 9-njy aprelinde Türkmenistanyň Bilim ministrliginde Azerbaýjan Respublikasynyň Ylym we bilim ministriniň orunbasary Firudin Isa ogly Gurbanowyň ýolbaşçylygyndaky wekiliýeti bilen duşuşyk geçirildi. Gepleşikleriň dowamynda taraplar bilim we ylym ulgamlarynda ikitaraplaýyn hyzmatdaşlygyň häzirki ýagdaýyny we geljegini ara alyp maslahatlaşyp, dostluga, doganlyga we özara ynama esaslanýan türkmen-azerbaýjan gatnaşyklarynyň yzygiderli ösdürilýändigini bellediler.
Duşuşygyň dowamynda ýokary okuw mekdepleriniň arasynda göni gatnaşyklary giňeltmek, akademiki hereketliligi ösdürmek, torlaýyn bilim maksatnamalaryny durmuşa geçirmek, şeýle hem STEM-bilim, sanlylaşdyrmak, innowasiýalar we ylmy barlaglar boýunça hyzmatdaşlyk meselelerine aýratyn üns berildi. Gepleşikleriň jemleri boýunça taraplar hyzmatdaşlygy mundan beýläk-de pugtalandyrmaga we bilim ulgamynda bilelikdäki başlangyçlary ösdürmäge gyzyklanma bildirýändiklerini tassykladylar.
Türkmenistanyň Bilim ministrligi