Ýagşygeldi Kakaýew adyndaky Halkara nebit we gaz uniwersitetinde «Ýaşasyn türkmen-hytaý dostlugy» atly Hoşallyk maslahaty geçirildi

2026-njy ýylyň aprel aýynyň 18-ne Ýagşygeldi Kakaýew adyndaky Halkara nebit we gaz uniwersitetinde «Ýaşasyn türkmen-hytaý dostlugy» atly Hoşallyk maslahaty geçirildi. Maslahata uniwersitetiň rektory, professor-mugallymlary we talyp ýaşlary täsirli çykyşlary bilen gatnaşdylar. Hoşallyk maslahatynyň dowamynda Türkmenistan bilen Hytaý Halk Respublikasynyň arasyndaky strategiki hyzmatdaşlygyň birnäçe ugurlary, ýagny: Gaz pudagynda strategik hyzmatdaşlygyň 20 ýyllygy, Ýagşygeldi Kakaýew adyndaky Halkara nebit we gaz uniwersitetiniň çägindäki Türkmenistandaky Lu Ban ussahanasynyň dabaraly açylyşy, Türkmen-Hytaý energetika okuw merkezini döretmek hakynda Ylalaşygyň gol çekilmegi, «Galkynyş» gaz käniniň dördünji tapgyryny özleşdirmäge badalga bermek dabarasy bilen bagly birnäçe çykyşlar diňlenildi.

2026-njy ýylyň 16-njy aprelinde geçirilen Aşgabat şäherinde «Türkmenistan — Hytaý Halk Respublikasy: gaz pudagynda strategik hyzmatdaşlygyň 20 ýyly» atly halkara ylmy-amaly maslahatyň dowamynda gazanylan netijeler, şol sanda «Türkmengaz» döwlet konserni bilen Hytaýyň «CNPC Amudarya Petroleum Company Ltd.» kompaniýasynyň arasynda baglaşylan şertnama, hyzmatdaşlygyň täze belentliklere çykýandygynyň subutnamasy boldy. Bu taslamanyň durmuşa geçirilmegi ugrunda zähmet çekýän ähli hünärmenlere aýratyn minnetdarlygy bildirdiler.

Şeýle-de 2026-njy ýylyň 16-njy aprelinde Ýagşygeldi Kakaýew adyndaky Halkara nebit we gaz uniwersitetiniň çäginde ýerleşýän Türkmenistandaky Lu Ban ussahanasynyň açylyş dabarasynyň geçirilmegi iki ýurduň bilim we ylmy hyzmatdaşlygynyň täze sahypasyny açdy. Bu möhüm başlangyjy durmuşa geçirmekde işjeň gatnaşan ähli taraplara, şol sanda Hytaý Halk Respublikasynyň wekiliýetine çuňňur hoşallygy bildirdiler. Döwrebap enjamlar bilen üpjün edilen bu merkezde ýaş nesilleriň bilim almagyna döredilen giň mümkinçilikler üçin, şeýle hem hytaýly hünärmenleriň tejribesini paýlaşmaga goşan goşandy üçin aýratyn minnetdarlyk beýan etdiler. Türkmenistandaky Lu Ban ussahanasynyň işe girizilmegi türkmen-hytaý hyzmatdaşlygynyň üstünlikli dowam etdirilýändiginiň aýdyň subutnamasydyr.

Ylym-bilim ulgamynda halkara hyzmatdaşlygy ösdürmek ugrunda 2023-nji ýylda baglaşylan Ähtnamanyň we onuň çäklerinde durmuşa geçirilýän taslamalaryň ähmiýeti aýratyn bellenilýär. 2026-njy ýylyň 16-njy aprelinde gol çekilen Türkmen-Hytaý energetika okuw merkezini döretmek baradaky Ylalaşyk hem bu ugurdaky hyzmatdaşlygyň netijeli ösdürilýändigini görkezýär. Bu möhüm başlangyçlary goldan ähli hyzmatdaşlara hoşallyk sözleri ýetirildi.

2026-njy ýylyň 17-nji aprelinde geçirilen «Galkynyş» gaz käniniň dördünji tapgyryny özleşdirmäge badalga bermek dabarasy hem döwletara hyzmatdaşlygyň strategik ähmiýetini ýene-de bir gezek tassyklady. Bu iri taslamanyň üstünlikli durmuşa geçirilmegi ugrunda zähmet çekýän ähli hünärmenlere we ýolbaşçylara tüýs ýürekden minnetdarlygy bildirdiler.

Umuman, geçirilen ähli çäreler Türkmenistan bilen Hytaý Halk Respublikasynyň arasynda dost-doganlyk gatnaşyklarynyň, özara hormatyň we ynanyşmagyň berk binýada eýedigini görkezýär. Şu mynasybetli, bu hyzmatdaşlygyň mundan beýläk-de üstünlikli ösdürilmegine goşant goşýan ähli taraplara çuňňur hoşallygy bildirdiler.

Soňra bolsa uniwersitetiň “Gara altyn” aýdym-saz tans toparynyň çeper höwesjeň talyp ýaşlarynyň ýerine ýetirmeginde Watanymyzy, Türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara tomaşa edildi. Hoşallyk maslahatynyň ahyrynda  ýurdumyzyň ylym-bilim ulgamynda halkara hyzmatdaşlygyny ösdürmek üçin giň mümkinçilikleri döredýän Gahryman Arkadagymyza we Arkadagly Gahryman Serdarymyza tüýs ýürekden sagbolsunlarymyzy aýdyp, janlarynyň sag, ömürleriniň uzak bolmagyny, il-ýurt bähbitli, dünýä ähmiýetli işleriniň rowaçlyklara beslenmegini arzuw etdiler.

Ýagşygeldi Kakaýew adyndaky Halkara nebit we gaz niwersiteti