Aşgabatdaky mekdepleriň sany 2026-njy ýylda 160-a ýeter

Türkmenistanyň paýtagty Aşgabat şährinde 2026-njy ýylda umumybilim berýän mekdepleriň sanynyň 160 birlige deň bolmagyna garaşylýar. Şeýle hem bilim ulgamynda şu ýylda mekdebe çenli çagalar edaralarynyň sanynyň 193 birlige, sport mekdepleriniň sanynyň 21 birlige deň bolmagy göz öňünde tutulýar.

Mundan başga-da, Aşgabat şäherinde Türkmen döwlet binagärlik-gurluşyk institutynyň 5 müň orunlyk binalar toplumynyň gurluşygyny tamamlap, ulanyşa bermek meýilleşdirilýär.

Häzir Aşgabadyň binagärlik keşbini döwrebaplaşdyrmak, ony bagy-bossanlyga öwürmek, täze ýaşaýyş toplumlaryny gurmak, hereket edýän inženerçilik-tehniki ulgamlaryň durkuny täzelemek boýunça giň möçberli çäreler durmuşa geçirilýär.