«eMekdep» bäsleşigi tamamlanýar: Gatnaşmaga gyssanyň!

«eMekdep» ulgamy tarapyndan guralan gyzykly bäsleşigiň tamamlanmagyna sanlyja sagatlar galdy. Bäsleşige gatnaşyjylar üçin soňky pursatlar ýetip geldi.

Guramaçylaryň habar bermegine görä, bäsleşik şu gün, 14-nji maýda sagat 21:00-da resmi taýdan jemlener. Şol wagta çenli Siziň ulgamdaky sowallara jogap berip, öz mekdebiňiziň abraýyny belende götermäge we şahsy üstünlik gazanmaga mümkinçiligiňiz bar.

Ýeňijiler üçin ýörite sowgatlaryň taýýarlanandygyny ýatladýarys. Gatnaşyjylar öz reýtinglerini yzygiderli barlap durmalydyrlar, çünki her bir dogry jogap Sizi öňe çykaryp biler. Belki-de, Siziň synpdaşlaryňyz eýýäm sanawda birinjiligi eýeleýändir.

Wagtyňyzdan netijeli peýdalanyň, ulgama haýal etmän girip, öz bilim derejäňizi görkeziň. Ähli gatnaşyjylara ýeňiş we üstünlik arzuw edýäris!