Dün­ýä yk­dy­sa­dy­ýe­ti der­sinden IV açyk halka­ra in­ter­net olimpiadasy ge­çi­ril­di

Türk­men döw­let yk­dy­sa­dy­ýet we do­lan­dy­ryş ins­ti­tu­ty­nyň gu­ra­ma­gyn­da ýur­du­my­zyň we da­şa­ry ýurt­la­ryň ýo­ka­ry okuw mek­dep­le­ri­niň ta­lyp­la­ry­nyň ara­syn­da dün­ýä yk­dy­sa­dy­ýe­ti der­si bo­ýun­ça IV açyk hal­ka­ra in­ter­net olim­pia­da­sy ge­çi­ril­di. Bu barada "Türkmenistan" gazetinde habar berildi.

Habarda bellenilişi ýaly, olimpiada 12 ýur­duň 39 ýo­ka­ry okuw mek­de­bin­den jemi 140 ta­lyp gat­naş­dy. Ola­ryň ha­ta­ryn­da türk­men ta­lyp­la­ry bi­len bir­lik­de, Ger­ma­ni­ýa­nyň, Rus­si­ýa­nyň, Be­la­ru­suň, Gyr­gy­zys­ta­nyň, Öz­be­gis­ta­nyň, Ga­za­gys­ta­nyň, Er­me­nis­ta­nyň, Tä­ji­gis­ta­nyň, Pa­kis­ta­nyň, Azer­baý­ja­nyň, Tür­ki­ýä­niň we­kil­le­ri bar.

Olim­pia­da on­laýn gör­nü­ş­de ge­çi­ri­lip, ýö­ri­te in­ter­net plat­for­ma­sy­nyň üs­ti bi­len gu­ral­dy. Gat­na­şy­jy­la­ryň ga­ra­ma­gy­na hö­dür­len­en me­se­le­ler dün­ýä yk­dy­sa­dy­ýe­ti­niň na­za­ry esas­la­ry­ny, hal­ka­ra söw­da­ny, hal­ka­ra ma­li­ýe gat­na­şyk­la­ry­ny we dün­ýä­niň yk­dy­sa­dy ösü­şi­niň hä­zir­ki za­man me­se­le­le­ri­ni öz içi­ne al­ýar. Gat­na­şy­jy­lar ber­len 120 mi­nu­dyň do­wa­myn­da dün­ýä yk­dy­sa­dy­ýe­ti der­si­ne de­giş­li 10 sa­ny me­se­lä­ni çöz­mek bo­ýun­ça bäs­leş­di­ler.

Hal­ka­ra in­ter­net olim­pia­da­sy­nyň jem­le­ri bo­ýun­ça bi­rin­ji or­na je­mi 11 ta­lyp my­na­syp bol­dy. Şo­la­ryň iki­si ýur­du­my­zyň ýo­ka­ry okuw mek­dep­le­ri­niň ta­lyp­la­ry­dyr. Has ta­ky­gy, olar Türk­men döw­let yk­dy­sa­dy­ýet we do­lan­dy­ryş ins­ti­tu­ty­nyň hem-de Türk­men döw­let ma­li­ýe ins­ti­tu­ty­nyň ta­lyp­la­ry Nur­sol­tan Mäm­me­do­wa we El­na­ra Der­ba­şo­wa­dyr. Baý­rak­ly ikin­ji or­na my­na­syp bo­lan je­mi 22 gat­na­şy­jy­nyň 9-sy ýur­du­my­zyň ýo­ka­ry okuw mek­dep­le­ri­niň ta­lyp­la­ry­dyr. Hal­ka­ra olim­pia­da­da ýur­du­myz­dan je­mi 10 ta­ly­byň gör­ke­zen ne­ti­je­si üçün­ji or­na my­na­syp gö­rül­di.

Olim­pia­da­ «Türk­me­nis­tan­da ýo­ka­ry hü­när bi­li­mi­ni ös­dür­me­giň 2026 — 2052-nji ýyl­lar üçin Stra­te­gi­ýa­syn­da» hem-de ony amala aşyr­mak bo­ýun­ça ýe­ri­ne ýe­ti­ril­me­li çä­re­le­riň 2026 — 2030-njy ýyl­lar üçin Me­ýil­na­ma­syn­da kes­git­le­nen we­zi­pe­le­re la­ýyk­lyk­da, ýaş­la­ryň dün­ýä yk­dy­sa­dy­ýe­ti­niň esa­sy ugur­la­ry, hal­ka­ra yk­dy­sa­dy gat­na­şyk­la­ryň maz­mu­ny hem-de hä­zir­ki za­man äh­lu­mu­my yk­dy­sa­dy ösüş me­ýil­le­ri ba­ra­da­ky bi­lim­le­ri­ne ba­ha ber­mek mak­sa­dy bi­len gu­ral­dy. Ol ze­hin­li ýaş­la­ry ýü­ze çy­kar­ma­ga, ola­ryň yk­dy­sa­dy bi­lim­le­ri­ni çuň­laş­dyr­ma­ga hem-de ýo­ka­ry hü­när bi­li­min­de hal­ka­ra hyz­mat­daş­ly­gy ös­dür­mä­ge gö­nük­di­ri­len­dir.

IV açyk hal­ka­ra in­ter­net olim­pia­da­sy oňa gat­na­şy­jy­la­ryň dün­ýä yk­dy­sa­dy­ýe­ti bo­ýun­ça bi­lim de­re­je­si­niň ýo­kar­lan­ma­gy­na, ze­hin­li ýaş­la­ryň ýü­ze çy­ka­ryl­ma­gy­na hem-de hal­ka­ra bi­lim hyz­mat­daş­ly­gy­nyň pug­ta­lan­ma­gy­na ýar­dam et­di.