Türkmenistanly aspirant halkara ýaryşynda «GDA-nyň iň gowy talyby» adyny aldy

N.G. Çernyşewskiý adyndaky Saratow milli barlag döwlet uniwersitetiniň Türkmenistanly aspiranty Nepesmyrat Gylyjow halkara ýaryşynda «GDA-nyň iň gowy talyby» diýen ada eýe boldy. Bu barada uniwersitetiň web sahypasynda habar berildi.

Nepesmyrat Gylyjow Biologiýa fakultetiniň aspiranty. Ol aspirantura we magistr derejelerini Saratow döwlet uniwersitetinde tapawutlanan netijeler bilen tamamlady. Ýaş alym birnäçe ylmy makalalaryň awtory we Türkmenistandan gelen talyplar üçin üç sany okuw gollanmalaryň awtory.

Aspirant bu üstünligiň Saratow uniwersitetiniň ähli biologiýa fakulteti üçin umumy ýeňişdigini aýtdy.

«Meniň üçin ýedi ýyl okan Biologiýa fakultetim diňe bir bilim ojagy bolman, eýsem ikinji maşgalama öwrüldi. Bu ýer meni kabul etdi, goldady we maňa ýardam etdi. Bu ýerde men diňe bir ýokary derejeli bilim alman, eýsem şahsyýet we ýaş alym hökmünde ösmek üçin mümkinçilik aldym», – diýip Nepesmyrat Gylyjow aýtdy.

2024-nji ýylda Nepesmyrat Gylyjow «Ýylyň talyby» atly milli derejeli bäsleşigiň sebitleýin tapgyrynda «Ýylyň daşary ýurtly talyby» adyna eýe boldy.