Wagyz-nesihat duşuşygy geçirildi

2026-njy ýylyň sentýabr aýynyň 2-ne Türkmenistanyň Döwlet energetika institutynda Mary welaýat Polisiýa müdirligi bilen bilelikde guralmagynda talyp ýaşlaryň arasynda «Ýol hereketiniň howpsuzlygy – ömrümiziň rahatlygy» atly wagyz-nesihat duşuşygy geçirildi. Duşuşyga Türkmenistanyň Mejlisiniň deputaty, Mary welaýat Polisiýa müdirliginiň, Türkmenistanyň Demokratik partiýasynyň Mary welaýat komitetiniň, Türkmenistanyň Kärdeşler arkalaşyklarynyň Mary welaýat birleşmesiniň, Türkmenistanyň Magtymguly adyndaky Ýaşlar guramasynyň Mary welaýat Geňeşiniň wekilleri gatnaşdylar. Wagyz-nesihat duşuşygyň dowamynda Berkarar döwletiň täze eýýamynyň Galkynyşy döwründe “Garaşsyz, baky Bitarap Türkmenistan – bedew batly at-myradyň mekany” ýylynda talyp ýaşlara döwletimiziň alyp barýan içeri we daşary syýasatynyň mazmuny, Türkmenistanyň Konstitusiýasy, ýurdumyzyň kanunlaryny we hukuk namalaryny, ýangyn howpsuzlygynyň kadalaryny berjaý etmegiň ähmiýeti, ýol-ulag hadysalarynyň we kanun bozulmalarynyň öňüni almagyň zerurlygy, tebigaty goramagyň möhümligi, ýaramaz endikleriň zyýanly täsiri, sagdyn durmuş we milli ahlak ýörelgelerini düşündirmek bilen bagly birnäçe çykyşlar diňlenildi. Duşuşygyň ahyrynda oňa gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini beýan etdiler.

Türkmenistanyň Döwlet energetika instituty