Döredijilik duşuşygy geçirildi 

2026-nji ýylyň sentýabr aýynyň 9-na Türkmenistanyň Döwlet energetika instituty Türkmenistanyň Demokratik partiýasynyň Mary welaýat komiteti bilelikde guramagynda talyp ýaşlaryň arasynda «Berkarar, bagtyýar Watan – Garaşsyzlyk toýuny toýlaýar» atly döredijilik duşuşygy geçirildi. Duşuşygyga Türkmenistanyň Demokratik partiýasynyň wekilleri, Mary welaýatynyň medeniýet we döredijilik işgärleri, şahyrlar, institutyň mugallymlary we talyp ýaşlary gatnaşdylar. Döredijilik duşuşygynyň dowamynda medeniýet we döredijilik işgärleriniň 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýylynda bellenilip geçiljek Türkmenistanyň şanly Garaşsyzlygynyň 35 ýyllygy bilen bagly birnäçe çykyşlar we Türkmenistanyň Garaşsyzlygyny hem-de «Garaşsyz, baky Bitarap Türkmenistan — bedew batly at-myradyň mekany» ýylyny wasp edýän birnäçe aýdymlar, goşgular diňlendi. Soňra bolsa, institutyň “Kuwwat” aýdym-saz toparynyň çeper höwsjeň talyp ýaşlarynyň ýerine ýetirmeginde Türkmenistanyň şanly Garaşsyzlygyny, Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara tomaşa edildi. Dabaranyň ahyrynda oňa gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş hem-de hoşallyk sözlerini aýtdylar.

Türkmenistanyň Döwlet energetika instituty