YLMY HYZMATDAŞLYK ÖSDÜRILÝÄR

Türkmenistanyñ Oguz han adyndaky Inžener-tehnologiýalar uniwersitetiniñ mugallymlary, ýagny Biotehnologiýa kafedrasynyñ müdiri Ogulgurban Soltanowa we Molekulýar biologiýa we genetika kafedrasynyñ müdiri Döwletmyrat Porrykow Belarussiýa iş saparynyň dowamynda ýurduň Milli Ylymlar akademiýasynyň ylmy-barlag institutlarynda boldular. Olar Belarussiýanyň Milli Ylymlar akademiýasynyň “Genetika we sitologiýa” institutyna, “Mikrobiologiýa” institutyna hem-de “Et-süýt önümçiligi” institutyna baryp, olaryň alyp barýan işleri bilen tanyşdylar.

Genetika we sitologiýa instituty tarapyndan alnyp barylýan ylmy işler we hödürlenýän hyzmatlar bilen tanyşdylar. Instutyň direktorynyň ylmy işler boýunça orunbasary Pawel Mihaýlowiç Morozik we ylmy işgärleri DNK bankynda nusgalaryň saklanşy, barlaghanalarda organizmleriň genomyny öwrenmek boýunça ýerine ýetirilýän işler bilen tanyşdyrdylar. Mikrobiologiýa institutynda mikroorganizmleriň esasynda öndürilýän iýmit önümleri, oba hojalyk biopreparatlary, suwy we gaty galyndylary arassalamak boýunça işler, patogen bolmadyk mikroorganizmleriň banky bilen tanyş boldular. Institutyň direktory Aleksandr Anatolýewiç Şepşelew bilen mikrobiologiýa ugrundan geljekki hyzmatdaşlyklar barada maslahatlaşyldy. Şeýle-de Ylymlar akademiýasynyň Merkezi botanika bagynda bolup, ol ýerde bezeg we dermanlyk ösümlikleriniň “in vitro” şertlerinde ösdürip ýetişdirilişi, ösümlikleriň biohimiki taýdan öwrenilişi boýunça alnyp barylýan ylmy işleri tanyşdylar.