“Bitaraplyk - dillerimiziň senasy” atly XII synp okuwçylaryň arasynda geçirilen bäsleşik

Halkara senagatçylar we telekeçiler uniwersiteti hormatly Prezidentimiziň baştutanlygynda ýurdumyzyň ylym-bilim ulgamlaryny has-da kämilleşdirmek boýunça durmuşa geçirilýän maksatnamalaýyn özgertmeleriniň çäklerinde ýaşlary kämil hünärmenler edip ýetişdirmek, daşary ýurt dilleriniň okadylyşyny döwrebaplaşdyrmak we onuň hilini halkara ülňülerine laýyk getirmek maksady bilen, 2025-nji ýylyň 22-26-njy dekabry aralygynda Aşgabat we Arkadag şäherleriniň orta okuw mekdepleriniň XII synp okuwçylarynyň arasynda “Iňlis dili” dersi boýunça “Bitaraplyk - dillerimiziň senasy” atly ders bäsleşigini geçirdi. Bäsleşige Aşgabat şäheriniň orta mekdepleriniň jemi 66 mekdepden 190 sany, Arkadag şäherinden 4-nji orta mekdebiniň 2 sany okuwçylary gatnaşdylar. Bäsleşigiň netijeleri boýunça I, II we III orunlary eýelän ýeňijiler kesgitlendi we degişlilikde I, II we III derejeli diplomlar we ýadygärlik sowgatlar bilen sylaglandy.