«Olimp» orta sport we Ýaş olimpiaýaçylary taýýarlaýyş mekdepleriniň okuwçylarynyň arasynda ýol hereketiniň howpsuzlygyna bagyşlanan bäsleşik geçirildi

3-nji aprelde Türkmenistanyň Içeri işler ministrliginiň Polisiýanyň ýol gözegçiligi müdirliginiň Çagalar awtoşäherçesinde Türkmenistanyň Bedenterbiýe we sport baradaky döwlet komitetiniň «Olimp» orta sport mekdebiniň we Ýaş olimpiaýaçylary taýýarlaýyş mekdebiniň okuwçylarynyň arasynda guralýan sport ýaryşlarynyň hem-de ýol hereketiniň howpsuzlygyna bagyşlanan bäsleşik geçirildi. Oňa ady agzalan mekdepleriň okuwçylary işjeň gatnaşdylar.

Köçelerde we ýollarda hereketiň depgininiň güýçlenmegi bilen häzirki döwürde, çagalaryň saglygyny goramak, olaryň howpsuzlygyny üpjün etmek, olary ýol-ulag hadysalaryndan goramak möhüm meseleleriň birine öwrüldi. Şu maksatlardan ugur alnyp, 2015-nji ýylyň awgust aýynda Türkmenistanyň Içeri işler ministrliginiň Polisiýanyň ýol gözegçiligi müdirliginiň Çagalar awtoşäherçesi döredildi we işe girizildi.

Ýur­du­myz­da sport bi­len meş­gul­lan­mak hal­kymyzyň dur­muş ýö­rel­ge­si­ne öw­rül­di. Sport ul­ga­myn­da döw­let sy­ýa­sa­ty­nyň esa­sy mak­sa­dy sag­dyn we ru­hu­be­lent ne­sil­le­ri ter­bi­ýe­le­mek­den yba­rat­dyr. Her ýylyň 7-nji ap­rel­inde Bü­tin­dün­ýä sag­lyk gü­ni ulu­dan bel­lenilip geçil­ýär. Hä­zir­ki dö­wür­de ýur­du­myz­da her bir ada­myň spor­tuň saý­lap alan gör­nü­şi bo­ýun­ça meş­gul­lan­ma­gy hem-de is­leg­le­ri­niň ka­na­gat­lan­dy­ryl­ma­gy üçin äh­li şert­ler dö­re­dil­di.

Bäsleşigiň ahyrynda «Olimp» orta sport mekdebiniň we Ýaş olimpiaýaçylary taýýarlaýyş mekdebiniň işjeň gatnaşan ýaşlaryna ýadygärlik sowgatlary dabaraly ýagdaýda gowşuryldy.

Mährijemal JUMAÝEWA,

«Olimp» orta sport mekdebiniň

direktorynyň okuw we terbiýeçilik

işleri boýunça orunbasary