„Bilim-kämilligiň binýady" atly şygar bilen bilim işgärleriniň arasynda usuly-amaly okuwlar geçirildi

Türkmenistanyň Bilim ministrligininiň we Aşgabat şäher Baş bilim müdirliginiň guramagynda 2025-nji ýylyň ýanwar aýynyň 6-8-i aralygynda „Bilim-kämilligiň binýady" diyen şygar bilen mekdebe çenli çagalar edaralarynyň bilim işgärleriniň arasynda usuly-amaly okuwlar geçirildi. Usuly-amaly okuwlarda hormatly Prezidentimiziň Berkarar döwletiň täze eýýamynyň Galkynyşy döwründe ýurdumyzyň bilim işgärleriniň öňünde goýan wezipelerini durmuşa geçirmek, milli bilim ulgamyny kämil derejede ösdürmek, ylymly, bilimli, giň gözýetimli, maksada okgunly ýaşlary terbiýeläp ýetişdirmek, häzirki zaman usullary we öňdebaryjy innowasiýa tehnologiýalary okuw işine ornaşdyrmak babatda durmuşa geçirilmeli işler hem-de 2024-2025-nji okuw ýylynyň 1-nji ýarymynda geçirilen işleriň hasabaty 2025-nji ýylda öňde durýan wezipeler ara alyp maslahatlaşyldy. Şeýle-de usuly-amaly okuwlarda ýurdumyzyň bilim edaralarynyň ýolbaşçylary „Bilim hakynda" Türkmenistanyň Kanunyna, Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasyna" we ony amala aşyrmak boýunça ýerine ýetirilmeli çäreleriň Meýilnamasyna, bilim ulgamyna degişli kabul edilen beýleki Konsepsiýalara, Türkmenistanda umumybilim edaralarynyň döwlet bilim standartyna, Mekdebe çenli döwlet bilim standartyna,,,Türkmenistanda çaganyň irki ösüşini we mekdebe taýýarlygyny ösdürmek babatda 2020-2025- nji ýyllarda mekdebe çenli çagalar edaralarynyň işini kämilleşdirmegiň Maksatnamasyna", Türkmenistanyň Bilim ministrliginiň bilim işini dolandyrmaklyga degişli kadalaşdyryjy iş resminamalaryna laýyklykda, okuw-terbiýeçilik işlerini döwrebap guramak boýunça alnyp barylýan işleri ara alyp maslahatlaşyldy hem-de bilim işini döwrebap guramak boýunça iş tejribe alyşyldy. Şeýle-de, Türkmenistanyň Bilim ministrliginiň Innowasiýa maglumat merkeziniň we Türkmenistanyň Goranmak ministrliginiň Aşgabat şäher raýat goranyşy we halas ediş işleri müdirliginiň raýat goranyşy taýýarlamak we gaýtadan taýýarlamak bölüminiň hünärmenleriniň gatnaşmagynda sanly ulgam hem-de raýat goranyş boýunça okuw sapaklary, çykyşlary guraldy.