Telekeçilikde töwekgelçiligi ýeňip geçmek barada

2026-njy ýylyň 2-nji aprelinde Halkara senagatçylar we telekeçiler uniwersitetiniň hem-de Türkmenistanyň Senagatçylar we telekeçiler partiýasynyň Aşgabat şäher komiteti bilen bilelikde gurnamagynda uniwersitetiň “Galkynyş” otagynda ýaşlary telekeçilige höweslendirmek boýunça okuw sapagy geçirildi. Okuw sapagyny Türkmenistanyň Senagatçylar we telekeçiler partiýasynyň agzasy, telekeçi Dagdan Sözenow alyp baryp, ýaşlarda “Özüňi bilmek we özgeleri tanamak sungaty” boýunça çykyş etdi.

Okuw sapagynyň dowamynda telekeçilik işiniň başlangyçlary, telekeçilikde töwekgelçiligi ýeňip geçmek, jemgyýetde özüňi ykrar edip bilmek, 9 görnüşli tip boýunça her bir ynsanyň tapawutly aýratynlyklary barada talyp ýaşlarda psihologik tejribe sapagy gurnaldy. Okuw sapagynyň dowamynda Gahryman Arkadagymyzyň hem-de Hormatly Prezidentimiziň ýaşlara bildirýän uly ynamy, ähli babatda döredilýän mümkinçilikler Türkmenistan döwletimiziň ylmy we tehnologik kuwwatynyň täze belentliklere göterilmegine oňyn mümkinçilik berýändigi barada beýan edildi. Çünki ylym bilen utgaşýan döredijilikli iş haýsy ugurda bolanda-da, hökman rowaçlyga eltýär. Beýgelmek ylym bilen, ylym bolsa ýaşlaryň döredijilikli we dowamly gözlegleri bilen geljege uzaýar.