Для школьников было проведено мероприятие, посвященное устойчивому развитию.

Türkmenistanyň Oguz han adyndaky Inžener-tehnologiýalar uniwersiteti tarapyndan Aşgabat şäheriniň ýöriteleşdirilen 116-njy orta mekdebinde ýurdumyzyň mekdep okuwçylary üçin Durnukly ösüşiň maksatlaryna bagyşlanan täsirli çäre geçirildi. Bu çäre ýaş nesilde ekologiýa düşünjesini ösdürmek, tebigaty goramak we jogapkärçilik duýgusyny kemala getirmek maksady bilen gurnaldy.

Çäräniň dowamynda talyplar okuwçylara durnukly ösüşiň esasy düşünjeleri, şol sanda daşky gurşawy goramak, suw we energiýa tygşytlamak, galyndylary azaltmak ýaly möhüm meseleler barada gyzykly düşündiriş berdiler. Şeýle-de, dürli oýunlar, sorag-jogap sessiýalary we toparlaýyn işler arkaly okuwçylar täze maglumatlary has ýeňil özleşdirdiler.

Okuwçylar çärä örän işjeň gatnaşyp, öz pikirlerini beýan etdiler hem-de tebigaty goramak boýunça özleriniň kiçi tekliplerini hödürlediler. Bu bolsa olaryň durnukly ösüş meselelerine gyzyklanmasynyň ýokarlanýandygyny görkezýär.

Çäräniň ahyrynda gatnaşyjylara ýadygärlik sowgatlar gowşuryldy we şeýle çäreleriň geljekde hem dowam etdirilmeginiň möhümdigi bellenildi. Bu çäre diňe bir bilim bermek bilen çäklenmän, eýsem, ýaş nesliň arasynda ekologiýa medeniýetini ösdürmäge uly goşant goşdy.