Bilim edaralarynyň we pedagogik işgärleriň arasynda geçirilen bäsleşikleriň döwlet tapgyrlarynyň jemleri jemlendi

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de türkmen halkynyň Milli Lideri Gah­ry­man Ar­ka­da­gy­my­zyň hem-de hormatly Prezidentimiz Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry bi­len bedew batly depginli ösüş­le­re bes­len­ýän eziz Wa­ta­ny­myz­da bi­lim öz­gert­me­le­ri barha ro­waç­lan­ýar. Milli bi­lim ul­ga­my yzygiderli kä­mil­leş­di­ri­lip, mak­sat­na­ma­la­ýyn iş­ler üs­tün­lik­li dur­mu­şa geçirilýär. Şol işleriň has-da üstünliklere beslenmeginde mugallymlara we bilim işgärlerine uly orun degişli bolup durýar.

Hormatly Prezidentimiz «Ýaşlar – Watanyň daýanjy» atly kitabynda mugallymlara we bilim işgärlerine ýüzlenip: «Siz milli ýörelgelerimizi we halypa-şägirtlik ýolumyzy mynasyp dowam etdirmek bilen, mukaddes käriňiziň abraýyny, ýurdumyzyň bilim kuwwatyny has-da artdyrmalysyňyz. Ylmyň-bilimiň we tejribäniň çuňňur arabaglanyşygyny üpjün edýän okatmagyň täze usullaryny işläp düzmelisiňiz. Sowatly, watansöýüji nesilleri kemala getirip, täzeçil hem-de döwrebap çemeleşmeleriňiz bilen ýokary netijeleri gazanmalysyňyz» diýip, pedagogik işgärlere uly ynam bildirýär we olaryň öňünde jogapkärli wezipeleri goýýar.

Garaşsyz, baky Bitarap döwletimiziň bilim ulgamynda gazanylýan guwandyryjy üstünliklerde, köp babatlarda, pedagogik işgärleriň we bilim edaralarynyň arasynda yzygiderli geçirilýän dürli bäsleşikleriň möhüm orny we ähmiýeti bar.  

Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ýurdumyzda giň gerimde amala aşyrýan bilim özgertmelerini durmuşa ornaşdyrmakda döredijilikli zähmet çekýän we tapawutlanyp işleýän, hünärine ussat bilim işgärlerini hem-de nusgalyk işleri ýola goýlan göreldeli bilim-terbiýeçilik edaralaryny ýüze çykarmak, olary höweslendirmek maksady bilen, Türkmenistanyň Bilim ministriniň 2020-nji ýylyň 7-nji dekabryndaky 266 belgili buýrugy bilen tassyklanan «Bilim edaralarynyň we pedagogik işgärleriniň arasynda geçirilýän bäsleşikleriň Tertibine» we Bilim ministriniň 2026-njy ýylyň 7-nji maýyndaky 179 belgili buýrugy bilen döredilen eminlik toparynyň netijenamasyna laýyklykda, ýakynda aşakdaky 15 ugur boýunça geçirlen hünär bäsleşikleriniň döwlet tapgyrynyň jemleri jemlendi:

1) «Iň gowy orta mekdep» atly bäsleşik.

2) «Iň gowy çagalar bakja-bagy» atly bäsleşik.

3) «Iň göreldeli mekdepden daşary çagalar edarasy» atly bäsleşik.

4) «Iň gowy mekdep kitaphanasy» atly bäsleşik.

5) «Iň gowy okuw otagy» atly bäsleşik.

6) «Iň gowy topar otagy» atly bäsleşik.

7) «Iň göreldeli mekdep müdiri» atly bäsleşik.

8) «Iň göreldeli çagalar bakja-bagynyň müdiri» atly bäsleşik.

9) «Mekdep müdiriniň iň göreldeli okuw-terbiýeçilik işleri boýunça orunbasary» atly bäsleşik.

10) «Mekdep müdiriniň iň göreldeli terbiýeçilik işleri boýunça orunbasary» atly bäsleşik.

11) «Iň göreldeli terbiýeçi-usulyýetçi» atly bäsleşik.

12) «Iň göreldeli synp ýolbaşçysy» atly bäsleşik.

13)  «Iň göreldeli aýdym-saz mugallymy» atly bäsleşik.

14) «Iň göreldeli gurnak ýolbaşçysy» atly bäsleşik.  

15) «Iň gowy mekdep sport zaly» atly bäsleşik.

Bu bäsleşiklere ýurdumyzyň ähli welaýatlaryndan, paýtagtymyz Aşgabat hem-de Arkadag şäherinden öňdebaryjy, täzelikçi pedagogik işgärleriň we bilim edaralarynyň örän işjeň ýagdaýda gatnaşandyklaryny hem-de öz işlerini hödürländiklerini bellemek gerek.

Türkmenistanyň Bilim ministriniň 2026-njy ýylyň 7-nji maýyndaky 179 belgili buýrugy bilen döredilen eminlik toparynyň düzümine döwlet edaralaryndan, we jemgyýetçilik guramalaryndan – Türkmenistanyň Milli bilim institutyndan, S.Seýdi adyndaky Türkmen döwlet mugallymçylyk institutyndan, Türkmen döwlet medeniýet institutyndan, A.Kekilow adyndaky mugallymçylyk mekdebinden, Hydyr Derýaýew adyndaky mugallymçylyk mekdebinden, «Türkmenistan» we «Mugallymlar gazeti» gazetlerinden, «Bilim» ylmy-usuly žurnalyndan, Türkmenistanyň Kärdeşler arkalaşyklarynyň Milli merkezinden tejribeli hünärmenler girizildi. Olar bäsleşikleriň her bir ugry boýunça hödürlenen işleri jikme-jik öwrenip, «Bilim edaralarynyň we pedagogik işgärleriniň arasynda geçirilýän bäsleşikleriň Tertibiniň» talaplaryna laýyklykda adalatly baha berdiler.

Şeýlelikde, eminlik toparynyň çykaran netijenamasyna laýyklykda hem-de Türkmenistanyň Bilim ministriniň 2026-njy ýylyň 1-nji iýunyndaky “Bilim edaralarynyň we pedagogik işgärleriniň arasynda geçirilen bäsleşikleriň döwlet tapgyrynyň jemleri hakynda” 218 belgili buýrugy esasynda, dürli ugurlar boýunça geçirilen bäsleşikleriň döwlet tapgyrynyň ýeňijileri diýlip aşakdakylar yglan edild:

Baş baýraga mynasyp bolanlar:

1-nji orna mynasyp bolanlar:

2-nji orna mynasyp bolanlar:

3-nji orna mynasyp bolanlar

Şeýle hem, bäsleşiklere işjeň gatnaşandyklary üçin şu aşakdakylar höweslendiriji baýraklara mynasyp boldular:

Höweslendiriji baýraga mynasyp bolanlar

«Garaşsyz, baky Bitarap Türkmenistan – bedew batly at-myradyň mekany» ýylynda ýurdumyzyň bilim edaralarynyň we pedagogik işgärleriniň arasynda geçirilen bu bäsleşikleriň netijeleri Berkarar döwletiň täze eýýamynyň Galkynyşy döwründe ha­lal zäh­met çe­kip, eziz Watanymyzyň mundan beýläk-de gül­läp ös­me­gi­ne uly go­şant goş­mak, ata Wa­ta­ny­my­za we­pa­ly, kä­mil ne­sil­le­ri terbiýeläp ýe­tiş­dir­mek, döwletimiziň bagtyýar gel­je­gi bo­lan ýaş­la­ryň ylym­ly-bi­lim­li, wa­tan­sö­ýü­ji, zäh­met­sö­ýer bo­lup ýe­tiş­me­gi, pedagogik işgärleriň hünär derejesiniň ýokary we mugallymçylyk ussatlygynyň has-da kämil bolmagy ugrunda giň gerimli, toplumlaýyn we nusgalyk işleri üstünlikli durmuşa geçirýän bilim edaralarynyň we pedagogik işgärleriň köpdügini görkezdi.

Mukaddes döwlet Garaşsyzlygymyzyň şanly 5 ýyllygyny uludan toýlanýan«Garaşsyz, baky Bitarap Türkmenistan – bedew batly at-myradyň mekany» ýylymyzda ýurdumyzyň bilim edaralarynyň we pedagogik işgärleriniň arasynda geçirilen dürli bäsleşikleriň ýeňijilerini hem-de höweslendiriji baýraklara mynasyp bolanlary çyn ýürekden gutlaýarys. Olara täze döredijilik üstünliklerini arzuw edýäris.   

Goý, Garaşsyz, baky Bitarap döwletimizi bedew batly ösüşlerden-ösüşlere alyp barýan hormatly Prezidentimiziň hem-de türkmen halkynyň Milli Lideri Gahryman Arkadagymyzyň janlary sag bolsun, il-ýurt we umumadamzat bähbitli işleri hemişe üstünliklere beslensin!

Türkmenistanyň Milli bilim instituty