Edep-ter­bi­ýe mek­de­bi

Türk­men hal­ky edep-ter­bi­ýä uly äh­mi­ýet be­rip gel­ýär. Hal­ky­myz «Edep­li ile ýa­rar» di­ýen ýö­rel­gä eýe­rip, ter­bi­ýe me­se­le­si­ne örän in­çe­lik bi­len çe­me­leşip­dir. Hal­ky­myz ne­sil ter­bi­ýe­sin­de na­kyl­la­ryň, er­te­ki­le­riň we beý­le­ki halk dö­re­di­ji­lik eser­le­ri­niň paý­has­la­ry­ny peý­da­la­nyp­dyr. Esa­san hem, ýa­şa­jyk kör­pe­lere gy­zyk­ly we ter­bi­ýe be­ri­ji er­te­ki­le­ri gür­rüň be­rip­dir­ler. Bu bol­sa kör­pe­ler­de dog­ru­çyl­ly­gy, oňat hä­si­ýet­le­ri ter­bi­ýe­läp­dir.

Halk dö­re­di­ji­lik eser­le­ri ter­bi­ýe mek­de­bi bo­lup dur­ýar. Çün­ki halk dö­re­di­ji­lik eser­le­ri hal­kyň dur­mu­şyn­dan, müň­ýyl­lyk­la­ryň tej­ri­be­sin­den dö­re­di­len­dir. Şo­nuň üçin hem bu eser­ler­de be­ýan edil­ýän paý­has­lar ýaş nes­le uly tä­sir ed­ýär. Şeý­le hem ýaş ne­sil­le­riň dil baý­ly­gy­ny art­dyr­mak, söz­leý­şi­ni kä­mil­leş­dir­mek ter­bi­ýe bi­len berk bag­la­ny­şyk­ly­dyr. Dil baý­lyk­la­ry­my­zyň esa­sy çeş­me­si halk dö­re­di­ji­li­gi­niň gör­nüş­le­rin­de jem­le­nen­dir. Şu nuk­daý­na­zar­dan, kör­pe­le­re er­te­ki­ler gür­rüň ber­len­de, la­byz­ly, her bir sö­zi düş­nük­li be­ýan et­mek ge­rek. Bu kör­pe ne­sil­ler­de di­li­mi­ziň söz­le­ri­ni öw­ren­mek­le­ri­ne, ola­ryň dün­ýä­ga­raý­şy­nyň gi­ňe­me­gi­ne oňat ýar­dam ed­ýär.

He­niz ene hüw­dü­sin­den baş­lan­ýan edep-ter­bi­ýe ça­ga­lar ba­gyn­da er­te­ki­le­riň üs­ti bi­len has-da ös­dü­ril­ýär. Er­te­ki­ler­dä­ki gah­ry­man­la­ryň he­re­ket­le­ri çe­per be­ýan edi­len­de, kör­pe­ler­de oňat dü­şün­je­ler ös­ýär. Mu­nuň özi kör­pe­le­riň mil­li ter­bi­ýe­de ter­bi­ýe­len­me­gi­ne hem oňat ýar­dam ber­ýär.

Edep — yn­san dur­mu­şy­nyň ýa­ra­şy­gy, dün­ýä­niň be­ze­gi. Dur­mu­şyň äh­li gö­zel­lik­le­ri, aja­ýyp­lyk­la­ry yn­sa­nyň ede­bin­den göz­baş al­ýan bol­sa ge­rek. Adam­za­dyň mäh­ri­ban­ly­gy, yn­san­per­wer­li­gi, bi­rek-bi­re­ge hor­mat goý­ma­gy, ag­zy­bir­li­gi edep-ter­bi­ýe­den göz­baş al­ýar. Şu nuk­daý­na­zar­dan, kör­pe­le­ri edep-ter­bi­ýe­li ne­sil­ler hök­mün­de ýe­tiş­dir­mek bi­lim iş­gär­le­ri­niň hem, ene-ata­nyň hem asyl­ly ýö­rel­ge­si bo­lup dur­ýar.

Maý­sa AN­NA­MY­RA­DO­WA,

Sa­rahs et­ra­byn­da­ky 2-nji ça­ga­lar bak­ja-ba­gy­nyň mü­di­ri.

Çeşmesi:Türkmenmetbugat