Bilimli ýaşlara buýsanç

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de türk­men ýaş­la­ry­nyň ylym-bi­lim öw­ren­mek­le­ri­ne, ter­bi­ýe­li yn­san bo­lup ýe­tiş­mek­le­ri­ne giň müm­kin­çi­lik­ler dö­re­dil­ýär. Şo­nuň üçin hem türk­men ýaş­la­ry hal­ka, Wa­ta­na we­pa­ly, aras­sa ah­lak­ly, berk be­den­li, zäh­met­sö­ýer, bi­lim­li, ylym­ly, däp-des­sur­la­ra hor­mat goý­ýan, giň dün­ýä­ga­ra­ýyş­ly adam­lar bo­lup ýe­tiş­ýär­ler. Ýur­du­myz­da ýaş nes­liň kä­mil ah­lak keş­bi­ni ke­ma­la ge­tir­mek ba­bat­da jem­gy­ýet­de al­nyp ba­ryl­ýan iş­le­re döw­let sy­ýa­sa­tyn­da mö­hüm orun be­ril­ýär.

Ýaş­lar ba­ra­da­ky ala­da hor­mat­ly Pre­zi­den­ti­mi­ziň hä­zir­ki we gel­jek­ki ne­sil­le­riň eş­ret­li dur­mu­şy­ny üp­jün et­me­giň ha­ty­ra­sy­na dur­mu­şa ge­çir­ýän pa­ra­sat­ly sy­ýa­sa­tyn­da özü­niň be­ýa­ny­ny tap­ýar. Ata Wa­ta­ny­my­zyň gel­je­gi­niň has-da röw­şen bol­ma­gy­ny ga­zan­ma­gyň baş şer­ti türk­men ýaş­la­ry­ny ylym­ly ösen teh­no­lo­gi­ýa­lar­dan baş çy­ka­ryp bil­ýän hü­när­men­ler edip ýe­tiş­dir­mek­dir. Hor­mat­ly Pre­zi­den­ti­miz ýaş­la­ra uly ynam bil­di­rip, ola­ryň döw­re­bap hü­när­men­ler bo­lup ýe­tiş­mek­le­ri üçin giň müm­kin­çi­lik­ler dö­red­ýär. Ýaş­lar mil­li ruh­da ter­bi­ýe­le­nip, ata-ba­ba gel­ýän ýö­rel­ge­le­ri­miz esa­syn­da ke­ma­la gel­ýär­ler. Mil­li mi­ra­sy­my­za sar­pa goý­ýan, ata-ba­ba ýol-ýö­rel­ge­le­ri­ne eýer­ýän, aras­sa ah­lak­ly, wa­tan­sö­ýü­ji, mil­li ruh­ly ýaş­la­ry ter­bi­ýe­läp ýe­tiş­dir­mek me­se­le­si hem ýur­du­myz­da iň bir üns be­ril­ýän mö­hüm ugurlaryň bi­ri­dir.

Bu ba­bat­da hor­mat­ly Pre­zi­den­ti­miz «Ýaş­lar — Wa­ta­nyň da­ýan­jy» at­ly ki­ta­byn­da şeý­le bel­le­ýär: «Wa­ta­na söý­gi — hal­ka söý­gi.

Bu ýö­ne bir dö­rä­ýen jüm­le däl. Wa­ta­nyň öý-ojak­dy­gy­ny, ýa­şa­ýan, oka­ýan, iş­le­ýän ýe­riňdä­ki adam­lar­dy­gy­ny dur­mu­şyň özi gör­kez­ýär».

Ýaş­la­ryň kal­byn­da şeý­le be­lent wa­tan­çy­ly­gy we zäh­met­sö­ýer­li­gi ke­ma­la ge­tir­mek bol­sa, il­kin­ji no­bat­da, maş­ga­la gym­mat­lyk­la­ry­na sar­pa goý­mak­dan baş­lan­ýar. Per­zent ter­bi­ýe­si bol­sa, ata-enä­niň mu­kad­des bor­jy bo­lup dur­ýar. Maş­ga­la­da ça­ga dün­ýä inen­den soň­ra türk­men­çi­li­ge mah­sus at dak­mak, ter­bi­ýe-bi­lim ber­mek, öý­li-işik­li et­mek ata-enä­niň esa­sy bor­ju­dyr. Hut şu nuk­daý­na­za­ra­dan, hal­ky­my­zyň ne­sil ter­bi­ýe­si­ni dog­ry ug­ruk­dyr­mak ýa­ly ýö­rel­ge­si bu gün­ki gün­de mu­kad­des borç hök­mün­de dur­mu­şy­myz­da my­na­syp ýö­rel­ge­dir. Hor­mat­ly Pre­zi­den­ti­mi­ziň «Ýaş­lar — Wa­ta­nyň da­ýan­jy» at­ly ki­ta­byn­da bel­leý­şi ýa­ly: «Ter­bi­ýe we tej­ri­be — yn­san kal­by­nyň go­şa ga­na­ty» diý­len aja­ýyp se­tir­ler hal­ky­my­zyň dur­muş tej­ri­be­sin­de öz be­ýa­ny­ny tap­ýar. Çün­ki yn­sa­nyň ha­ky­ky baý­ly­gy onuň ah­la­gyn­da, ede­bin­de, ha­lal­ly­gyn­da we Wa­ta­na söý­gü­sin­de jem­le­nen­dir. Ter­bi­ýe adam­za­dyň iň uly baý­ly­gy­dyr.

Ada­myň şah­sy­ýet hök­mün­de ke­ma­la gel­ýän il­kin­ji mu­kad­des mek­de­bi maş­ga­la­sy­dyr. Ça­ga il­kin­ji söz­le­ri-de, ede­bi-de maş­ga­la­syn­dan al­ýar. Soň­ra jem­gy­ýe­tiň bir bö­le­gi hök­mün­de kä­mil­leş­ýär. Dur­mu­şa we jem­gy­ýe­te ga­ry­şyp, on­da orun alyp, ke­mal­ly adam bo­lup ýe­tiş­ýär. Ol hem, öz ge­ze­gin­de, öz maş­ga­la­sy­nyň do­wa­ma­ty­ny ke­ma­la ge­tir­me­li. Şu na­za­ry­ýet­de türk­men maş­ga­la­la­ry do­wam ed­ýär. Dö­wür­ler we za­man­lar nä­hi­li ösüş-öz­ge­riş­le­ri baş­dan ge­çir­se-de, mil­li-ter­bi­ýe mek­de­bi­miz do­wam edip gi­dil­ýär. Şeý­le ter­bi­ýe bi­ziň ne­sil do­wa­ma­ty­my­zy bagt­ly we bag­ty­ýar et­jek ýö­rel­gä­miz­dir.

Dur­sun ÝOL­DAŞ­MU­RA­DO­WA,

Sa­ýat et­ra­byn­da­ky 3-nji or­ta mek­de­biň mu­gal­ly­my.

Çeşmesi:Türkmenmetbugat